اللي حابه اتعرف اي شي عن تايلاند ... فاااااااااااااااااالها طيب ..

السلام عليكم ...............

انا ماعندي غير تايلاند وبس

وحفظتنها صم ............... طبعا بس في بانكونك برع بانكونك ماعرف شي ..

تايلاند حلوه

كلمينا عنها وين رحتي وشنو عندهم وشنو سويتي وجننتي العالم هناك < لوووووووول

ناطرينتس

انا حالياقاعدة ارتب البضاعه اللي واصلتني من فتره ...بس اتفتك منها بقولك .. وبخبرك شوفيها بالضبط .. وشو اللي يصير هناك ...

والله امفشلينا ... هل (( الامارات )) (( الجنس الثالث )).. حشى منتشرين في كل مكان..

ما أقول غير الله يهديهم ان شاءالله ..

أهذريبتس ...

شو في خاطرك اتعرف في تايلاند ..

انا احتمال اسافر قريب ..

اخذي لي عن معالمها وكل شي عنها

لووووول

قبل لا ارووح

يامرحبابك..

شوف تايلاند بس لتسوق والمستشفيات ..

اما باقي الاماكن مثلا جزر شنقماي ولا بوكيت .. ابصراحه خباااااااااااااااااااااال روووعه .. الطبيعه اترد الروح .. بس بتايا ابصراحه ما أحب اسيرلها ..لاني سرت مره والله لايراويك .. شباب مع مغربيات (( وع أفا من يشيل)) وعاااااااااااااااادي قوة ويه .. وأزيدك من الشعر بيت .. الحين موضت الروسيات **الله يعزك**



متى ناوي اتسير ان شاءالله ..؟؟

والله مادري على حسب دوامي

الله يعينك ..



المهم نبدأ ..

بسم الله الرحمن الرحيم ..

في البداية اذا اتكلمت عن الفنادق :: ماشاء الله الفنادق والشقق ماينعدن .. يعني لو تدخل اي موقع او اي منتدى باتلقى عارضين كل شي ..((ماشاءالله مايفوتهم شي))

المهم .. اكيد سمعت عن شارع العرب ..؟؟
كل المطاعم العربيه موجوده ..((يعني كأنك في البلاد)) .. وباتكبر كرشتك أكثر وأكثر ههههههههههههه

والكل بيقولك ..لاء لاتسير هذاك المطعم مش حلو أكله باتلقى عند المطعم الفلاني أحلى .. تبا الصدق (( كلهم والخبتين .. بس انت وحضك في طبخم))

ياسلاااااااااااام ع طبخ الوالده ... مممممممم (( بس دياي مشواي من برع ::: وهي تطبخ في البيت )) بلا مطاعمهم بلا سم ..

والمشكله كل يوم يتمشون في شارع العرب ويتشرون ..؟؟؟ بس انا اريد أفهم شو في شارع العرب والمحلات المجوده شو فيها..عرفنا(( محل ليلى منخش في الفندق .. محل حفيظ _ وفي محل بعد ناسيه اسمه _....؟؟))

عندك المولات (( روبنسن (مول مصغر) بس حلو_ سنترال وورد وايد كبيـــر وتعيز وانت تمشي فيه وطبعا محلاتهم فاضيه ههههه _ سنترال شتنوم(هذا السنترال والله حلووو وعاجبني وكل شي فيه .. طوابق تقريبا سبع واحلى شي عندهم الكفرات والتلبيسااااااااااااااات خبال .. وشموع وأشياء اكسيسوارات للبيت _ يعني مايحتاي اتعب عمرك وتحطوط من مول لمول ))
سيام برقون بعد مول وااااااااااااايد اكبير ادووخ فيه ... بس الحلو فيه السينما والسمج اللي فيه ..

طوكيواااااااااا وأم بي كي أكبر غش فيه .. والناس مش امصدقه .. اتشتري تشتري .. وأكبر حراميه فيه ... وبضاعتهم من سنتين نفس الشي ..

بس عندك باتنام فاشن .. سبع طوابق .. ابصراحه هذا يسد انك تقعد فيه وتتشرى كل اللي في خاطرك .. ,وأهم شي الهدايا .. اذا انت في خاطر تتشرى حق هلك من صغير لكبير .. عندهم .. من تصبح ولين ماتمسي والله ماتشبع منه ..(( ختيه ينت ع بضاعتهم ..))
اذا خذت اكثر من حبه ينزلنك من السعر ...

يعني بدال ماتخسر في طوكيوا ولا أم بي كي .. تعال عندهم وتشرى اللي في خاطرك .. مع انه اكثر شي للحريم ..

عندهم بعد مكتبه في الطابق السابع .. الشنطه حق العيال الصغار (( يعني تسيوره عند حد)) مايوصل عشر ..

ملفات لمدارس روعه .. بعد مايي أكثر من 3 ربيات ..

يعني سير وأنت مغمض ..

((تخيل .. مره أخذت سله كبيره انا وأمايه .. يعني ثنتين .. وبعدين طلبنا الثالثه ومزرناها(( أتعرف ماشاءالله العائله كبيره والعيال مش واحد والا ثنينه..

وانا امشي في المكتبه كانت تايلانديه تتبعني بالكيسه الكبيره((مافيهاتواير هههه)
المهم مرت ربيعتها عند الكاشير ؟؟ وفجت حلجهـــا وشهقت هههههههههههههه
قالت : شو هذا وليش ؟؟ وهذا حق العيال اللي عندكم !!!! قلت في خاطريه(( الله وأكبر عليج)!!
أشوي والا يلتمون علينا الموضفين ..
قلت لهم : ((من الزياغه)) لا هذا حق مدرسه انا فاتحتنها مثل الحضانه )) !!!!!!


هههههههههههههه
مادروا حق الاهل والناس اللي موصيني .. الله أكبـــــــــــــــــــر عليهم ..((والله اني زغت )) يتبـــــــــــع,,,

ماشاءالله عليج قطره ندى عارفه الديره عدل ...اذا على جذيه انا اذا برووح راح اخذج معاى مرشده سياحيه
اللى اهم من هالمطاعم اللى ذكرتيهم هو اكل امج عساالله يحفضها لج وقوليلها خل تسويلنا على يوم مطبق زبيدى لاعضاء المنتدى .